كلية الفنون-فنوني منتدى كلية الفنون دمشق منتدى كلية الفنون حلب منتدى كلية الفنون السويداء اختبار كلية الفنون مجلة فنوني تجمع طلاب الفنون سوريا fnonee


    بديهيات سورية

    شاطر
    avatar
    Mayson

    الدراسة/الجامعة : كلية الفنون الجميلة في دمشق
    السنة : 2
    انثى عدد المساهمات : 267
    تاريخ التسجيل : 05/12/2009
    العمر : 29

    بديهيات سورية

    مُساهمة من طرف Mayson في الأربعاء ديسمبر 16, 2009 1:06 pm

    بــــديـــهـــيـــات ســـــــــــــوريّة
    بتكون قاعد بامان الله عم تتفرج على فلم عم تستنا فيه من اسبوع ليطلع ، بفوت ابوك بقلك شو عم تتفرج على فلم .......؟؟
    tuzki_021

    لا عم بتفرج على برنامج ارضنا الخضراء .....
    ((وكل هالتسميعة بتكون مشان يقلب عالجزيره او العربيه مشان يسمع اخبار طول النهار قاعد يسمع فيها)) عكلن اذا كبر ابوك خاويه .

    هي خالصين منها ..
    ------------------------------------

    بتطلع بميكرو(سرفيس) وبتحط هيك وبتطلع ( عشر ليرات) وبتعطيها للي ئدامك، وبكل برودة بيئلك: واحد ؟
    tuzki_021

    لأ 60 !!!!!!!!!!!!!!!!!؟ ورجعلي الباقي كمان (يعني العشر ليرات بتركب كم واحد ؟؟)

    ------------------------------------

    بدك تنزل من الميكرو: بتقول للشوفير عاليمين زكاتك.... بتتلقى الرد: نازل ؟؟
    tuzki_030
    لا والله بس كنت عم جرب صوتي شو رايك انت ؟؟.
    ------------------------------------

    مذيعة بيوم العيد عم تلفلف بالشوارع وتلطي ع كم مواطن وتسأل وبنفس الوقت هي بتجاوب: شو بتساوي اول يوم العيد ؟ أكيد بتروح بتزور الأهل والقرايب..
    لا والله بالعادة بفكر العب دء طميمة وماروح لعندهم
    ------------------------------------
    نفس المذيعة بتشوف ولد بالشارع وبتساله؟ حبيبي بتحب البابا والماما؟
    لا مابحبهم ابداً , انا بحب البوسنة والهرسك .

    ليش مذيعاتنا دائما عندون نفس الأسئلة؟؟
    tuzki_020
    ليش كل الشعب حفظان شو هي الأسئلة؟؟
    tuzki_020

    يعني المذيعة بتروح على شي حديقة أو شي مطرح متجمعين فيه الأولاد الصغار بالعيد..... وبتبلش بالأسئلة الفذة تبعونها....
    ------------------------------------
    اشتريت لبس جديد على العيد حبيبي؟؟؟ tuzki_039
    يعني شوبتتوقع يقولها؟؟

    لأ...ما اشتريت لبس جديد.... هادول سرقة من على حبل الغسيل تبع الجيران ولا بتتوقع يقولها
    أخدت لبس أخي الكبير تبع السنة الماضية ولبستو...؟؟

    طيب بركي فعلا كان في ولد هيك وضعو.... ليش حتى تسألو وتكسرلو نفسيتو قدام بقية الأولاد؟؟؟
    ------------------------------------

    شو بتشتري بالعيد...شوكولاته وأكلات طيبة؟؟

    لا والله....على العيد بشتري 10 غرام حشيش...وبنقعد نصطهج فيون أنا ورفقاتي...... وبعدين بنأرجل..... وبناخدلنا كاسين
    tuzki_030
    يعني الولد الصغير شو بيحب يشتري وياكل؟؟ مجدرة ولا عدس بحامض؟؟
    ------------------------------------

    شو بتعمل بالعيد احكيلنا حبيبي.. tuzki_039 ..بتلعب بالمراجيح؟؟

    لأ أبدا...ما بقرب صوب المراجيح.....بالعيد بروح بلعب مصارعة رومانية...وشوية تايكواندو....
    ------------------------------------

    بتلعب مع أصحابك بالعيد؟؟
    أعوذ بالله... شو مع أصحابي.... أبدا... بنزل بلعب مع شوفيرية التكاسي والزعران...
    ------------------------------------

    مع مين بتحب تروح بالعيد؟؟ مع ماما ولا بابا؟؟

    لا والله ؛مابحب روح معهن التنين أسئل من بعض . يعيني عادة مع مين بيروح الصبي ؟ مو مع أبو وآمو ؟؟
    ------------------------------------

    احكيلنا ...وين بتروحو بالعيد إنت ورفقاتك... حبيبي....؟

    ما بدها سؤال...على الكباريه... لترين عرق.... 4 رقاصات ......2 على اليمين و2 على اليسار....

    طيب مذيعاتنا المهمات... ما عم يلاحظوا كيف الولد عم يتلعثم...وعم يتلبك... وما عم يعرف يحكي... ومالو رايد يحكي....... وما عم يطلع صوتو
    ....وما عم يحكي شي....؟؟؟
    هالمذيعة الحنونة هاي.... ما عم يطلع من خاطرها تترك الولد بحالو؟؟
    لك اتركيه بحالو و بعدين ..؟؟
    ------------------------------------

    حاطت راسك ونازل دحي بهالكتب والدراسة، بيجي أبوك أو امك...: عم تدرس؟
    tuzki_046

    لا والله ...!! عم غير زيت للسيارة

    ------------------------------------

    حامل سماعة التلفون وعم تبلش تدق بالأرقام، بيجيك عنصر مفاجئة من أهلك وعلى وشهم علائم الإستغراب والدهشة: بدك تحكي بالتلفون؟
    لأ شو هااحكي اعوذ بالله !!!
    tuzki_021 كنت عم عد الأرقام يلي فيه !شوبدي اعمل يعني ؟؟

    ------------------------------------

    لابس أحلى لبس عندك ومتعطّر وشايل مفاتيح السيارة وجزدانك و طانا قليل ادب لبرا البيت، tuzki_015 بيجي حدا من أهلك بيسألك، شو رايحلك شي مشوار !!؟؟
    لا والله طالع عالأسطوح صلّح الدش

    tuzki_023
    : ------------------------------------

    معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه إجيتوا ؟؟؟
    لا والله لساتنا عالطريق، في عجئة كتير بالمهاجرين


    ------------------------------------

    مطمطرء بتختك ونايم ومطفي الضو ومتغطي بالبطانية وتمك مفتوح متل مغارة جعيتا، بيجي واحد من أهلك بيفتح الباب ويقول :شو نايم ؟؟
    لأ !! عم ارقص... بس الوضع بيوحي إني نايم

    tuzki_021 tuzki_029 tuzki_021
    avatar
    العميد

    الدراسة/الجامعة : دمشق
    السنة : 0
    ذكر عدد المساهمات : 427
    تاريخ التسجيل : 17/06/2009
    العمر : 28

    رد: بديهيات سورية

    مُساهمة من طرف العميد في الأربعاء ديسمبر 16, 2009 2:09 pm

    .................عن جد شوهاد كيف نحنا عايشين
    avatar
    l.w.s

    الدراسة/الجامعة : الهندسة العلوماتية
    السنة : 4
    ذكر عدد المساهمات : 253
    تاريخ التسجيل : 22/06/2009
    العمر : 29
    الموقع : http://fnonee.com/me

    رد: بديهيات سورية

    مُساهمة من طرف l.w.s في الأربعاء ديسمبر 16, 2009 8:53 pm

    حاطت راسك ونازل دحي بهالكتب والدراسة، بيجي أبوك أو امك...: عم تدرس؟
    tuzki_046

    لا والله ...!! عم غير زيت للسيارة



    قمّة المعاناة study456456

    الله يعطيكي العافية .. الموضوع كتييير ظريف milkbottle

      الوقت/التاريخ الآن هو الجمعة أكتوبر 19, 2018 11:31 pm